We use cookies to enhance your experience on our website. Please read and confirm your agreement to our Privacy Policy and Terms and Conditions before continue to browse our website.

Read and Agreed
Follow CTgoodjobs for the latest career news, hot topics and recommended jobs!
Maybe Later Follow

【職場熱話】打工仔後悔無讀碩士 網民:有錢隨時都讀得

現時升學渠道眾多,取得學位並非難事,出現了「隨街大學生」的現象。學歷貶值,許多人開始考慮修讀碩士學位,以提升競爭力。不過,學習能力或隨年齡增長而下降,加上青春早已過去,進修多一個課程或感吃力。有網民對年輕時只懂享樂而沒有積極向上而深感後悔,並在網上討論區「連登」發文,引來網民討論讀碩士的好與壞。

延伸閱讀:【職場熱話】打工仔呻職業錯配 墜入無底深淵 網民:自己揀無得怨

即睇事主分享與回應:(按圖了解)

事主:好後悔後生嗰陣掛住玩無讀。眼見好多人before 30讀咗……

網民:後悔嘅咪讀返個嚟讀囉!

網民:唔會遲㗎喎讀書。

網民:讀master嘅人,20歲到50歲都有,邊會遲?

網民:三大嗰啲任何時間入都得。

網民:最主要你有無錢先。

網民:讀完又點?大把人學歷俾你勁俾你多,亦有大把人俾你肯OT/做得嘢。都只係講緊打工嘅層次,我不如專注係其他投資唔好咩?

網民:讀咗先後悔,又無用又貴。

網民:我後悔讀咗,讀完之後搵唔返前一年派嗰個offer。

網民:十幾萬掉落海,轉行/升職另計。

網民:要睇下自己咩身世,又無興趣又無錢又無時間就咪鬼讀。

網民:讀咗唔一定有用,事實上亦都有大把人唔係用心去讀,絕大部分人為升職而讀,求其合格就算數。

 

有心不怕遲 最緊要有目標

對應否讀碩士的議題,網民意見不一,不少人認為碩士課程動輒索價六位數字而感不值,更不知道修畢課程後能否帶來更好的職業發展。即使如此,有網民認同讀碩士也有些用途,但修讀前必須考慮清楚。

網民建議讀碩士前應考慮的事:(按圖了解)

網民:你諗吓無乜人報嘅科對你有無好處。

網民:Master用嚟轉行,讀返自己嗰科無乜用。

網民:你本身無牌嘅話,讀返有牌嗰啲肯定無死,入到嘅話。社工、乜乜治療師嗰啲。

網民:如果為學嘢,唔係專科真係唔好亂讀,俾十幾萬真係買張cert。咁當然剩係買cert又無所謂。

網民:當娛樂當興趣班囉,做人氹下自己開心都好重要。行街睇戲打機都對份工無幫助架?唔通又唔做?

雖然有人怒斥碩士課程本質「根本學店嚟」,但同時有年過三十而且剛修畢碩士課程的網民表示自己「好開心學到嘅野即刻喺返工嗰度用到」。碩士課程價值不菲,如果未有職業方向而修讀,或會大大浪費金錢和時間。報讀前,「停一停,諗一諗」,清楚自己目標後才好向更高的學位下注,但前提當然是有餘錢才可以讀,正如網民說「有錢隨時都讀得」。

延伸閱讀:【職場熱話】點先算一份專業嘅工?網民:最緊要唔會OOOOO

延伸閱讀:【職涯規劃】Fresh Grad煩惱應否裸辭 網民提醒:你知道自己想點未?

延伸閱讀:【職場熱話】畢業生自覺能力低 心灰意冷 網民安慰:下次唔錯咪得

Advertisement

Look out for further updates on our Facebook fan page!

Looking for jobs?