We use cookies to enhance your experience on our website. Please read and confirm your agreement to our Privacy Policy and Terms and Conditions before continue to browse our website.

Read and Agreed
Follow CTgoodjobs for the latest career news, hot topics and recommended jobs!
Maybe Later Follow

【家用問題】應屆畢業生苦惱應否公開真實人工「阿媽叫我畢業畀家用⋯⋯」

人生第一份薪水意義重大,到查看銀行帳戶餘額的那一刻才真正明白「血汗錢」的意思。對於首份人工,人們總是特別愛惜,希望能夠全權決定把錢花在哪裡。有應屆畢業生在網上討論區Dcard發文,坦言苦惱應否向家人公開真實人工數字。

點圖了解更多事主分享:

「話說我係今年Fresh Grad,搵到一份幾好Pay嘅IT工,阿媽話我畢業,要開始交家用,我就話人工唔夠自己生活,要用嚟還借返嚟嘅學費,還埋唔夠用。唔知各位會唔會如實分享人工數字?」

網民回應:

A/會,因為咁就連家用都唔使畀

B/我自己會講得低啲,就算自己月入2萬8千,都會話自己得1萬8千人工,咁誠實為咩,咪要畀多啲家用

C/第一份工會如實講,但之後加人工,轉工就唔會再Update

D/加人工都唔會講

E/有啲數走唔甩,好似做特定職業嘅人,啲人工數目可以話通晒天,你想報細啲都難。不過重點係要睇父母,有人知個仔女搵1萬8千,要佢畀成萬蚊家用,有啲父母知你搵5萬,家用要收一半;相反,有父母就算要你交成萬蚊人工做家用,佢都會幫你儲起

F/我人工係公開嘅秘密,明明我已經供緊樓,佢都要我畀8千蚊家用

G/會老實講,加咗一定加幅人工,會加埋家用

H/會講,但畀幾多我話事,覺得你扮無錢完全唔畀,呢個行為唔OK,除非你屋企好有錢,否則咁黐飲黐食都真係幾厚面皮

I/點解唔誠實啲,食屋企住屋企嘅,仲有水電煤,出去租間好少少嘅屋,都差唔多1萬蚊,我都仲未計柴米油鹽醋,畀多少少家用都好正常

J/我可以同你講,你一旦講咗真實人工,佢會畀說話你聽,話家用唔夠,話你人工好高,如果唔想因為畀得太多家用,而降低自己生活質素的話,講低幾千蚊都唔過份

開心見誠與父母商量
對於事主的疑問,網民都有着不同的意見,有人不解事主苦惱,直指若然與家人同住,好應該分擔一下家庭費用,而不是袖手旁觀;相反,有網民認為把虛報自己的薪金數目並不過分,皆因不想因為家用,而降低自己的生活質素。

家家有本難唸的經,每一個家都生活費的支出,都不太一樣,與其猜度家人的想法,倒不如開心見誠,了解一下父母的情況,從而釐定家用的實際需要,這樣才能夠使「家用」發揮真正的用途。

家用只給5千蚊,也被嫌棄?(點圖了解更多)

即睇港人的家用公價:

延伸閱讀:【職場趨勢】TikTok成打工仔發洩工具?10大熱門職埸趨勢關鍵字!

延伸閱讀:【職涯規劃】30歲必須月入3萬元?20個職場人生道理

延伸閱讀:【工作電郵】寫Email標題唔可以亂寫?7個最常犯嘅錯誤你有冇犯?

延伸閱讀:【職場溝通】Z世代與職場老海鮮難以相處?逾1成上司於首周解僱年輕員工!


最新專訪片︰

【SHE Says】努力打破性別定型 環聯亞太區數據科學及分析主管林蔚:普惠金融分析令更多人實現夢想

Advertisement

Look out for further updates on our Facebook fan page!

Looking for jobs?